Bakı. Trend:
Norveçdə son iki həftə ərzində vikinqlər haqqında məlumatlara maraq adi göstəricilərlə müqayisədə 80 faiz artıb. Bu barədə Aftenposten Innovation Norway-nin məlumatlarına istinadən xəbər verib.
Nəşrin məlumatına görə, marağın artması futbol üzrə dünya çempionatında çıxış edən Norveç milli futbol komandasına yönələn beynəlxalq diqqətlə üst-üstə düşüb. Komanda turnir çərçivəsində həyata keçirdiyi reklam kampaniyasında vikinq obrazlarından istifadə edib.
Aftenposten qeyd edir ki, turizm sektoru nümayəndələri ölkəyə artan marağın çempionat başa çatdıqdan sonra da davam edəcəyinə ümid edirlər.
Norveç yığmasının dünya çempionatındakı uğurlu çıxışı milli brendin təşviqinə yönəlmiş genişmiqyaslı kampaniya ilə müşayiət olunub. Xüsusilə, Norveç Futbol Assosiasiyası futbolçuların vikinq obrazlarında təqdim olunduğu foto-layihə hazırlayıb. Layihə xarici KİV-lərdə və sosial şəbəkələrdə geniş yayılıb.
Futbol üzrə dünya çempionatı hazırda ABŞ, Kanada və Meksikada keçirilir. Turnir iyulun 19-da başa çatacaq.
