...

2013-cü ildə iqtisadi islahatlar çərçivəsində Azərbaycanda layihələrin qəbulu elan edilib

Biznes və iqtisadiyyat xəbərləri Materials 22 Dekabr 2012 16:49 (UTC +04:00)

Azərbaycan, Bakı, 22 dekabr /Trend, müxbir İ.Xəlilova/

İqtisadi İnkişaf Nazirliyi 2013-cü il dövlət büdcəsində nəzərdə tutulmuş "İqtisadi islahatların keçirilməsi ilə bağlı xərclər" üzrə vəsaitin məqsədyönlü və səmərəli istifadəsini təmin etmək üçün müəyyən edilmiş işlərin yerinə yetirilməsi ilə əlaqədar təkliflərin (sifarişlərin) qəbulu üzrə müsabiqə elan edir.

Təkliflər texniki tapşırıq formasında təqdim olunmalıdır. Texniki tapşırıqda layihələrin qısa məzmunu, məqsədi, icra müddəti, xərclər smetası, idarə olunma sxemi, strukturu, rəhbəri və icraçıları barədə məlumatlar verilir.

Layihələr orta və uzun müddətli proqramların (layihələrin) və normativ sənədlərin, analitik təhlil və tövsiyələrin hazırlanmasını, kompüter-texniki bazanın yaradılmasını əhatə etməlidir.

Birinci istiqamət çərçivəsində iqtisadiyyatda struktur dəyişikliklərin aparılması, iqtisadiyyatda idarəetmə strukturunun təkmilləşdirilməsi, maliyyə-bank, vergi və gömrük sisteminin təkmilləşdirilməsi, ixrac strukturunun təkmilləşdirilməsi və istehlak bazarının tənzimlənməsi, sənayedə struktur dəyişikliklərinin aparılması, investisiya prosesinin fəallaşdırılması, yanacaq-energetika kompleksinin inkişaf etdirilməsi və digər sahələr üzrə təkliflər təqdim edilə bilər.

İkinci istiqamətə sosial-iqtisadi inkişafın qiymətləndirilməsi, nəticələr və tövsiyələr, iqtisadiyyatın infrastrukturu da daxil olmaqla onun ayrı-ayrı sahələrinin inkişafının təhlili nəticələr və tövsiyələr, bank sitemi fəaliyyətinin, pul tədavülünün və valyuta bazarının təhlili, nəticələr və tövsiyələr, özəlləşdirmə proqramının reallaşdırılması gedişinin və yekunlarının təhlili, nəticələr və tövsiyələr və s. daxildir.

Üçüncü istiqamət çərçivəsində informasiya təminatı sisteminin abonent mərkəzinin yaradılması, məlumat bazasının yaradılması (Azərbaycan və xarici ölkələrin qanunvericilik və başqa normativ aktlar, başqa ölkələrin haqqında statistik informasiya və məlumatlar, dünya qiymətləri haqqında məlumat, xarici firmalar və şirkətlər haqqında informasiya və s.), informasiyadan istifadə sisteminin yaradılması, zəruri proqram təminatının işlənib hazırlanması nəzərdə tutulur.

Layihənin dəyəri 50 min manatdan çox olmamalıdır və icra müddəti 2013-cü ilin dekabr ayını keçməməlidir.

Layihədə təklif olunan işlər hər hansı qrant və digər mənbələrdən maliyyələşdirilən layihələrin predmeti olmamalıdır.

İştirak etməkdə marağı olanlar təkliflərini texniki tapşırıq formasında 2013-cü il yanvarın 18-dək saat 18:00-dan gec olmayaraq aşağıda göstərilən ünvana təqdim etməlidirlər: Bakı, şəhəri, Üzeyir Hacıbəyov küçəsi, 40. Nazirliyin İqtisadi siyasət, təhlil və proqnozlaşdırma şöbəsi.

Telefon: (99412) 598-03-36, (99412) 493-88-67 (20-92, 21-78).

Məqalədə:
Xəbər lenti

Xəbər lenti