Azərbaycan, Bakı, 20 iyun /Trend, müxbir A.Axundov/
Azərbaycan Maliyyə Nazirliyi ölkədə icbari tibbi sığortanın yeni modellərini öyrənir.
Hökumət və özəl sektor arasında effektiv əməkdaşlığın qaydaya salması yeni sistemin fərqləndirici xüsusiyyəti olacaq. Trend-in məlumatına görə, bu barədə cümə axşamı jurnalistlərə açıqlamasında maliyyə nazirinin müavini Azər Bayramov bildirib.
Nazir Samir Şərifov jurnalistlərə bildirib ki, icbari tibbi sığortanın aktivləşdirilməsi üçün qanunvericilik bazası mövcuddur və sığortanın bu növünün tətbiq olunmasının vaxtı çatıb: "Son illər ərzində Azərbaycanda səhiyyə infrastrukturu əhəmiyyətli dərəcədə yaxşılaşıb ki, bu da praktikada icbari tibbi sığortanın tətbiqinə imkan verir".
20-21 iyun tarixlərində Bakıda IV Beynəlxalq Sığorta Forumu keçirilir.
