Azərbaycan, Bakı, 18 iyul /Trend, müxbir E.Əliyev/
Bu ilin yanvar-iyun ayları ərzində Azərbaycanda 81 mindən artıq daşınmaz əmlak qeydiyyata alınıb. Trend-in məlumatına görə. Bu barədə Dövlət Komitəsinin sədrinin müavini Rafiq Cəlilov cümə axşamı "2013-2017-ci illərdə Əmlak Məsələləri üzrə Dövlət Komitəsinin fəaliyyət strategiyası" adlı layihənin təqdimat mərasimində bildirib.
Cəlilov bildirib: "Son bir neçə ildə biz daşınmaz əmlakın qeydiyyatı üzrə rekord göstəricilər əldə etmişik. 2008-ci ildə 120 min daşın əmlak qeydiyyata alınıb. 2012-ci ildə isə, bu rəqəm 151 min obyekt olub. İlk 6 ayın nəticələrini nəzərə alsaq biz 2013-cü ildə daha böyük nəticələr əldə edəcəyimizə hesab edirik".
Onun sözlərinə görə, daşınmaz əmlakın qeydiyyatı sahəsində əldə olunan nailiyyətlər Prezident İlham Əliyevin rəhbərliyi ilə əldə olunan ölkənin hərtərəfli inkişafını əks etdirir.
Cəlilov vurğulayıb: "Bundan əlavə bu uğurlar əmlak Məsələləri üzrə Dövlət komitəsi tərəfindən görülən tədbirlərin uğurlu olduğunu göstərir. Komitə mütəmadi olaraq elektron xidmətlərdə daxil olmaqla fəaliyyətinin inkişafı üzərində işlər aparır. Bu günə qədər biz təxminən 5 minə yaxın elektron müraciət almışıq. Komitə tərifindən elektron arxivlərin, elektron kadastr sisteminin, o cümlədən vahid elektron informasiya sisteminin yaradılması və inkişafı üzərində işlər aparılır. Bütün bu işlərin 2014-cü ilin sonuna kimi yekunlaşdırılması gözlənilir.