...

Azərbaycan sığortalanan əmanətlər üzrə faizlərin yuxarı həddini 10 faizədək azaldıb

Biznes və iqtisadiyyat xəbərləri Materials 23 İyul 2013 16:35 (UTC +04:00)
Azərbaycan Əmanətlərin Sığortalanması Fondu (ADIF) avqustun 1-dən fiziki şəxslərin 10 faizdən artıq dərəcə üzrə ölkənin bank sisteminə qoyduğu depozitləri sığortalamayacaq.
Azərbaycan sığortalanan əmanətlər üzrə faizlərin yuxarı həddini 10 faizədək azaldıb

Trend-i buradan izləyin

Azərbaycan, Bakı, 23 iyul /Trend, müxbir A.Axundov/

Azərbaycan Əmanətlərin Sığortalanması Fondu (ADIF) avqustun 1-dən fiziki şəxslərin 10 faizdən artıq dərəcə üzrə ölkənin bank sisteminə qoyduğu depozitləri sığortalamayacaq. Bu barədə çərşənbə axşamı Trend-ə ADIF-in icraçı direktoru Azad Cavadov deyib.

Müvafiq olaraq, 10 faizdən artıq dərəcə üzrə banklara cəlb edilmiş əmanətlər üzrə sığorta hadisəsi zamanı, yəni bank müflisləşərkən sığortalanan əmanətçilərə kompensasiya ödənilməyəcək.

Onun sözlərinə görə, ADIF-in Qəyyumluq Şurası son iclasında sığortalanan əmanətlər üzrə yuxarı həddin 12-dən 10 faizədək endirilməsi barədə qərar qəbul edib.

Bununla belə, ADIF 1 əmanət üzrə sığorta ödənişinin maksimum səviyyəsini dəyişməz, yəni 30 min manat səviyyəsində saxlayıb.

Cavadov qeyd edib ki, avqustun 1-dən qüvvəyə minəcək bu qərar ölkədə əmanətlər üzrə dərəcələrin davam edən azaldılmasının nəticəsidir.

Məqalədə:
Xəbər lenti

Xəbər lenti