...

Azərbaycan Mərkəzi Bankı kredit ittifaqlarından birinin lisenziyasını geri alıb

Biznes və iqtisadiyyat xəbərləri Materials 27 Dekabr 2013 11:50 (UTC +04:00)
Azərbaycan Mərkəzi Bankı (AMB) dekabrın 4-dəki qərarı ilə ölkədə fəaliyyət göstərən kredit ittifaqlarından birinin lisenziyasını geri alıb. Trend-in məlumatına görə, bu barədə müvafiq qərar cümə günü rəsmi mətbuatda dərc olunub.
Azərbaycan Mərkəzi Bankı kredit ittifaqlarından birinin lisenziyasını geri alıb

Azərbaycan, Bakı, 27 dekabr /Trend, müxbir E.Əliyev/

Azərbaycan Mərkəzi Bankı (AMB) dekabrın 4-dəki qərarı ilə ölkədə fəaliyyət göstərən kredit ittifaqlarından birinin lisenziyasını geri alıb. Trend-in məlumatına görə, bu barədə müvafiq qərar cümə günü rəsmi mətbuatda dərc olunub.

Qərarın mətnində deyilir: "Azərbaycan Respublikasının "Kredit İttifaqları haqqında" qanununun 21.1.1-ci maddəsinə və "Kredit ittifaqlarına bank fəaliyyəti göstərmələri üçün lisenziyaların verilməsi Qaydaları"nın 6.4.1-ci bəndinə uyğun olaraq AMB tərəfindən 2010-cü il iyunun 10-da Aqrar Maliyyə Kredit İttifaqına verilən lisenziya ləğv edilir".

"Aqrar Maliyyə Kredit İttifaqı" Xırdalan şəhərinin Quşçuluq yaşayış massivində qeydiyyata alınıb.

2013-cü ilin üçüncü rübünün sonuna olan məlumata görə, Azərbaycanda 111 kredit ittifaqı fəaliyyət göstərir. Onların məcmu nizamnamə kapitalı 20,73 milyon manat, aktivlərinin həcmi isə 53,79 milyon manat təşkil edib.

Məqalədə:
Xəbər lenti

Xəbər lenti