Azərbaycan, Bakı, 8 oktyabr /Trend, müxbir Azad Həsənli/
Amerikanın "Chartis" (AIG Insurance) sığorta şirkəti Azərbaycanda özünün törəmə strukturunun satışı haqqında danışıqlar aparır. Bu barədə çərşənbə günü Trend-ə sığorta bazarındakı mənbə məlumat verib.
Mənbə hələlik danışıqlar prosesinin gedişi haqqında danışmaqdan imtina edərək yalnız onu qeyd edib ki, söhbət strukturun tam satışından gedir.
Bundan əvvəl xəbər verilmişdi ki, şirkət iki variantı nəzərdən keçirir. Onlardan biri şirkətin 100 faizlik payının satışıdır. əgər satış baş tutmazsa, şirkət bağlanacaq. Mənbə qeyd edib: "Satış bazardan çıxmağı asanlaşdırır, bağlanma isə əlavə vaxt və səmərəsiz xərc tələb edir". O əlavə edib ki, şirkətin yerli və ya əcnəbi sərmayəçiyə verilməsinin əhəmiyyəti yoxdur.
Mənbənin sözlərinə görə, danışıqların aparıldığı potensial alıcının olmasına baxmayaraq, hələ də hər iki varianta, yəni şirkətin həm satışı, həm də bağlanmasına baxılır.
Hazırda şirkət yeni müqavilələr bağlamır, qüvvədə olan müqavilələr isə AIG Insurance-in təkrar sığorta xidmətləri göstərdiyi ölkədəki bir sıra şirkətlərin xidmətinə verilir.
AIG Insurance-in Azərbaycandakı törəməsi daim mənfəətli olub və şirkətin dəstəyinə ehtiyacı olmayıb: "Bağlanmaya səbəb Azərbaycan bazarının çox olmasıdır və burada törəmə şirkət saxlamaq sərfəli deyil. Bununla yanaşı AIG təkrar sığorta vasitəsi ilə Azərbaycan bazarına dəstəyi davam etdirəcək. Amma öz-özlüyündə bazarın həcmi şirkətin gözləntilərini doğrultmayıb".
Onun sözlərinə görə, bazardan çıxmaq barədə qərar hələ bir il əvvəl qəbul edilib, başa çatdırılmamış müqavilələr başqa yerli şirkətlərə verilib: "Həmin məsələlər müştərilərlə razılaşdırılıb. Onlara onları qane edən və müqavilələrin verildiyi başqa sığortaçılar".
