...

"Bank of Baku" 20 illiyi ilə əlaqədar Azərbaycanın aparıcı KİV rəhbərləri ilə görüş keçirib (FOTO)

Biznes və iqtisadiyyat xəbərləri Materials 10 Oktyabr 2014 15:11 (UTC +04:00)
Bu il 20 illiyini qeyd edən “Bank of Baku” yubileyi münasibətilə əməkdaşlıq etdiyi media qurumları ilə görüş keçirib. Görüşə “Bank of Baku”nun Müşahidə Şurası, İdarə Heyətinin üzvləri və bankın əməkdaşlıq etdiyi yerli media qurumlarının rəhbərləri və jurnalistlər qatılıblar.
"Bank of Baku" 20 illiyi ilə əlaqədar Azərbaycanın aparıcı KİV rəhbərləri ilə görüş keçirib (FOTO)

Azərbaycan, Bakı, 10 oktyabr /Trend/

Bu il 20 illiyini qeyd edən "Bank of Baku" yubileyi münasibətilə əməkdaşlıq etdiyi media qurumları ilə görüş keçirib. Görüşə "Bank of Baku"nun Müşahidə Şurası, İdarə Heyətinin üzvləri və bankın əməkdaşlıq etdiyi yerli media qurumlarının rəhbərləri və jurnalistlər qatılıblar.

Tədbir ötən əsrin əvvəlini xatırladan ab-havada təşkil olunub və qonaqları həmin dövrə uyğun geyimlərdə olan xanım və bəylər qarşılayıb. Qasid isə milli mətbuatımızın ilk nəşri olan "Əkinçi" qəzetinin 2-ci buraxılışının surətini qonaqlara paylayıb.

Tədbiri giriş sözü ilə açan "Bank of Baku"nun Müşahidə Şurasının sədri Elçin İsayev qeyd edib ki, bank 20 illik uzun bir yolu Azərbaycan mediası ilə birgə qət edib. Bankın tərəfdaşı olan kütləvi informasiya vasitələrinin hər zaman çeviklik, operativlik, etibarlılıq və işgüzar yanaşma nümayiş etdirdikləri bildirilib. E.İsayev media partnyorlarına illər boyu "Bank of Baku"ya dəstək olduqlarına, uğurlu və qarşılıqlı əməkdaşlığa görə təşəkkür edib.

Daha sonra tədbir iştirakçıları 19-cu əsrdən bu günə kimi Azərbaycan mətbuatının inkişafından, müxtəlif mərhələlərdə inkişaf tendensiyaları və cəmiyyətə verdiyi töhfələrdən bəhs edən qısametrajlı filmə baxıblar.

Tədbirdə Azərbaycan Milli Televiziya və Radio Şurası sədrinin müvini Qafar Cəbiyev və Azərbaycan Mətbuat Şurası sədrinin müavini Umud Rəhimoğlu iştirak ediblər. Öz çıxışında U.Rəhimoğlu bankın bu təşəbbüsünü bəyəndiyini bildirib və bütün tədbir iştirakçılarına yeni nailiyyətlər arzu edib.

Daha sonra tədbirin qonağı tanınmış türkiyəli jurnalist Güneri Civaoğlu çıxış edib. Uzun illər Türkiyənin aparıcı qəzet və televiziya kanallarında çalışan G.Civaoğlu öz həyat və işgüzar təcrübəsi ilə, media uğurunun əsas amilləri ilə bölüşüb.

Daha sonra tədbir iştirakçıları "Bank of Baku"nun 20 illiyi münasibətilə çəkilmiş yeni imic çarxının ilk seyrçiləri olublar. Lentə alınmış bu çarx bankın illər boyu hər zaman qorunan mənəvi dəyərlərindən bəhs edir.

Tədbirdə "Bank of Baku" ilə əməkdaşlıq edən yerli KİV rəhbərlərinə uğurlu əməkdaşlığa görə xüsusi diplomlar təqdim edilib. Tədbir konsert proqramı ilə başa çatıb. Populyar müğənnilər Tünzalə Ağayeva və Samira öz reperturlarından ən sevilən mahnıları ifa ediblər.

"Bank of Baku" hər zaman KİV-lərlə münasibətlərə yüksək diqqət yetirərək xüsusi önəm verib. "Bank of Baku" inanır ki, bu münasibətlər gələcəkdə də müsbət müstəvidə inkişaf edəcək. "Bank of Baku" bütün tərəfdaş kütləvi informasiya vasitələrinə bir daha təşəkkür edir.

Məqalədə:
Xəbər lenti

Xəbər lenti