Bakı. Maksim Tsurkov - Trend:
Azərbaycan Monteneqroya Veriqe boğazı üzərindən körpünün tikintisinin maliyyələşdirilməsi üçün 175 milyon avro kredit təklif edir.
Trend-in Monteneqro mətbuatına istinadən verdiyi məlumata görə, bunun müqabilində isə Azərbaycan ölkə biznesinin Monteneqroda vergi və gömrük rüsumlarından azad edilməsini istəyir.
Azərbaycan hökuməti krediti 3 faiz dərəcəsi ilə, ödəmə dövrü 15 il olmaqla 5 il güzəştli müddətlə verməyə hazırdır.
Monteneqronun maliyyə naziri bəyan edib ki, Azərbaycanla iqtisadi əməkdaşlığın möhkəmləndirilməsini dəstəkləyir, lakin Azərbaycan tərəfinin istəyi tam qəbul edilən deyil.