Bakı. Sədrəddin Ağcayev - Trend:
Azərbaycan hökuməti Kiçik və Orta Biznesin İnkişafı Agentliyi (KOBİA) ilə birgə kiçik və orta biznesə dəstəyin yeni vasitələrinin yaradılması sahəsində əməkdaşlıq edir.
Trend-in məlumatına görə, bunu Milli Məclisin deputatı Ağalar Vəliyev "Post-pandemiya dövründə iqtisadi artımın stabilləşməsi zamanı kiçik və orta müəssisələrin innovativ fəaliyyəti" mövzusunda konfransda deyib.
"Dördüncü sənaye inqilabı kiçik və orta sahibkarlığın inkişafının yeni vasitələrinin yaradılmasını tələb edir. Azərbaycan hökuməti kiçik və orta biznes subyektlərinin dəstəklənməsi üzrə bir sıra layihə və proqramlar reallaşdırır. Pandemiya dövründə bu işlər əvvəlkindən daha aktiv həyata keçirilib. Bu gün biz kiçik və orta biznes subyektlərinə dəstək göstərməkdə davam edirik", - deyə o bildirib.
(Tərcümə: Orxan Nəbiyev)