Gürcüstan Azərbaycana olan borclarını pul vəsaitləri ilə qaytarmaq niyyətindədir. Bu barədə iyulun 19-da Trend ə Gürcüstanın baş naziri Zurab Noqaideli məlumat verib. Onun sözlərinə görə, Gürcüstanın Azərbaycana borcu üzrə müqavilə paraflanıb və hazırda müvafiq dövlətlərarası proseduralar aparılır.
Öz növbəsində, Azərbaycanın baş nazirinin müavini Abbas Abbasov bu məsələlənin iqtisadi əməkdaşlıq üzrə Azərbaycan-Gürcüstan komissiyasının iyulun 18-də Cəngədə keçirilən iclası çərçivəsində müzakirə olunduğunu və bu sahədə razılığın əldə olunduğunu bildirib.
Qeyd edək ki. Gürcüstanın Azərbaycana olan borcu 16,2 milyon dollara yaxındır. Bununla yanaşı, hazırda Gürcüstanın elektrik enerjisi üzrə Azərbaycana borcu 32 milyon kVt/s təşkil edir.
Z. Hoqaideli həmçinin qeyd edib ki, Gürcüstanla Azərbaycan arasında Gürcüstanın "Şahdəniz" yatağındakı "Mərhələ-1" layihəsi çərçivəsində əlavə həcmdə qaz alması ilə bağlı danışıqlar gedir.
