Listinqin aparılması qaydalarının dəyişdirilməsi ilə Bakı fond birjasında BMK-nın Azərbaycanda korporativ idarəetmənin inkişafı ilə bağlı layihəsi ilə birgə iş aparılır. Trend birjanın idarə heyətinin sədri Anar Axundova istinadən bildirir ki, yeni qaydalar artıq son hazırlıq mərhələsindədir.
Qaydaların təkmilləşdirilməsində əsas məqsəd aksentlərin şirkətlərin maliyyə təsərrüfat fəaliyyəti tələblərindən şəffaflıq fəaliyyətinin təmin edilməsi tələblərinə dəyişdirilməsi, potensiallı sərmayəçilərin informasiya ilə təmin edilməsi, korporativ idarəetmə standartlarına riayət üzrə tələblərin yerinə yetirilməsinə daimi nəzarətin qurulmasıdır.Bununla bağlı yeni qaydalarda müəssisələrin korporativ strukturu, xüsusilə səhmdarlarla idarə heyəti arasındakı qarşılıqlı münasibətlər, idarə heyətinin səhmdarlar qarşısında məsuliyyətinin artırılması ilə bağlı məsələlər tənzimlənəcək. Qaydalara həm də müəssisələrin şəffaflığını təmin edən bəndlər daxildir. A.Axundov qeyd edib ki, müəssisələrin listinqdə saxlanılması üçün bunlar bütün tələblərə cavab verməlidir.
Layihənin hazırlığından sonra bu, öncə BFB-nin səhmdarları ilə müzakirə ediləcək, sonra isə təsdiq edilmək üçün qiymətli kağızlar üzrə Dövlət komitəsinə təqdim ediləcək. Dövlət komitəsində listinq standartları və qiymət təyin etmənin də nəzərdə tutulduğu birja fəaliyyəti standartları vardır. Buna görə də QKDK rəhbəri Gündüz Məmmədovun da qeyd etdiyi kimi, yeni qaydalar hazırlandıqdan sonra bunlar ümumi birja standartları ilə müqayisə ediləcək və zərurət yaranarsa dəyişdiriləcək yaxud oldduğu kimi qalacaq.
