Azərbaycan, Bakı/ Trend müxbir İ.Xəlilova/ Azərbaycanda xarici kapitallaşması olan bankların siyahısı genişlənir.Texnika Bank-ın idarə heyətinin sədri Samir Hüseynov bildirib ki, bankın səhmdarlarının qərarı ilə səhmlərin 10 faizi Amerikanın Kazemir Partner Limited investisiya fonduna satılıb. Kazemir Partner Limited MDB ərazisində həmçinin Qazaxıstanda TuranAlem və Gürcüstanda Bank Georgia-nın səhmlərinə sahibdir.
Kazemir Partner Limited-in Texnika Bank-ın səhmdarları sırasına daxil olması nəticəsində Bankın ümumi kapitalı 21 mln. manat artıb. Hazırda bankn ümumi kapitalı 28 mln. manat təşkil edir.
Hüseynovun sözlərinə görə, Texnika Bank-ın planlarına ilin sonuna qədər kapitalın minimum 60 mln. manata qədər artırılması daxildir, burda da səhmdar kapitalının həcmi 40 mln. manat təşkil edəcək.