Azərbaycan, Bakı, 25 aprel/ Trend /Bu gün Azərbaycanın Dövlət Neft Şirkəti Gürcüstanda SOCAR brendi altında birinci yanacaqdoldurma məntəqəsini açıb. Bu barədə Azərbaycan Dövlət Neft Şirkətinin cümə günü yayılan məlumatında deyilir.
Ümumilikdə Gürcüstanda SOCAR brendi altında 6 yanacaqdoldurma məntəqəsi istismara veriləcək. İlin sonunadək Gürcüstan ərazisində SOCAR brendi altında yanacaqdoldurma məntəqələrinin ümumi sayı 18-ə çatıdırılacaq.
Hazırda Azərbaycanın Dövlət Neft Şirkəti Gürcüstana 30 min ton neft məhsulları tədarük edir. Bu neft məhsullarına benzin, dizel yanacağı, mayeləşdirilmiş qaz və digərləri daxildir. Yay dövründə bitum tədarükünün artacağı gözlənilir.