Gürcüstan, Tbilisi, 24 avqust / Trend , müxbir N.Kirsxaliya /
Gürcüstan dövlət elektrik sistemində SCADA layihəsi çərçivəsində qurulan və ən yeni texnologiyalarla təmin edilmiş idarəetmə qalxanı bütün Qafqazda yeganə və unikaldır. Layihənin prezentasiyası avqustun 25-də keçiriləcək.
Gürcüstan elektrik sistemindən deyilib ki, yeni idarəetmə qalxanı hesabına enerji sistemində qəzaların başvermə ehtimalı xeyli azalacaq və güclərin idarə olunmasında dəqiqlik artacaq.
SCADA layihəsinin realizəsinə 2006-cı ilin sonunda başlanılıb və 2009-cu ilin dekabrında başa çatacaq. Layihənin ümumi dəyəri təxminən 12,1 milyon avrodur. Onu Gürcüstan dövlət elektrik sisteminin həmmaliyyələşdirilməsi ilə Dünya Bankı maliyyələşdirir. Layihənin podratçısı "Simens" şirkətidir.
"Dünyada geniş istifadə olunan, belə mükəmməl təminatla yeni texnologiya Qafqazda yalnız bizdə var", - Gürcüstan dövlət elektrik sisteminin reabilitasiya idarəçisi Sulxan Zumburidze deyib. Onun sözlərinə görə, bu layihə gürcü energetikasının inkişafında daha bir addımdır.
Məqalə müəllifi ilə əlaqə ünvanı: [email protected]
