Azərbaycan, Bakı, 01 mart / Trend , müxbir E.İsmayılov/
ABŞ-ın MI SWACO şirkəti ARDNŞ-nin (Azərbaycan Respublikası Dövlət Neft Şirkəti) tullantıların utilizasiyası mərkəzinin yenidən qurulmasına dair layihəsinin texniki iqtisadi əsaslandırılmasının (TİƏ) hazırlanması üzrə tenderin qalibi olub. Bu barədə ARDNŞ-nin Ekologiya İdarəsinin rəsmi saytında məlumat verilir.
Bu layihə üzrə işlər ARDNŞ və ABŞ-ın Ticarət və İnkişaf Agentiyi (USTDA) arasında ötən il avqustun 13-də imzalanmış 572 min dollar məbləğində qrant sazişi çərçivəsində həyata keçirilir.
Məlumatda deyilir ki, tenderdə iştirak etmək üçün səkkiz şirkət (ABŞ) öz təkliflərini təqdim edib. Təkliflərin qiymətləndirilməsi məqsədi ilə qanunvericiliyə uyğun olaraq ARDNŞ-də xüsusi komissiya yaradılıb.
ARDNŞ-nin ekologiya məsələləri üzrə vitse-prezidenti Muxtar Babayevin verdiyi məlumata görə, layihə bu il ərzində hazırlanıb.
Mərkəz həm sənaye, bərk tullantıların emalını, həm də onların təklar istifadəsini nəzərdə tutur.
