Qazaxıstan, Astana, 02 mart / Trend , müxbir K.Arınova /
"Qazaxıstanın İnformasiyalaşdırma və Rabitə Agentliyi mart-apreldə 3G format rabitəyə lisenziya verilməsinə başlayacaq", - bu haqda bu gün jurnalistlərin suallarını cavablandırarkən qurumun rəhbəri Kuanışbek Yesekeyev məlumat verib.
"Hazırda Müdafiə Nazirliyi ilə 3G üzrə məsələni işləyirik. Tezlik diapazonu məsələsinə aydınlıq gətirən kimi, lisenziyaların verilməsinə başlayacağıq", - Yesekeyev bildirib.
Üçüncü nəsil rabitəsi adlandırılan 3G, inqilabi formatdır. O, çox yüksək sürətlə elektron məlumatlar mübadiləsini həyata keçirmək və internetdən istifadə imkanı verir.
Agentliyin məlumatına görə, 2008-ci ildə artıq 700 min qazaxıstanlı mobil telefonlar vasitəsilə dünya şəbəkəsinə mütəmadi olaraq daxil olub. Bu, kompyuterlərdən istifadə üzrə göstəricidən 8 dəfə çoxdur.
Məqalə müəllifi ilə əlaqə ünvanı: [email protected]
