Azərbaycan, Bakı, 10 mart / Trend , müxbir H.Vəliyev/
Azərbaycanın rabitə operatoru "Azərtelekom" və Rusiyanın milli rabitə operatoru "Sinterra" Seytse Lettinqin "C-Ring Telecom" birgə müəssisəsinin baş direktroru təyin edilməsini elan edib. Bu barədə "Azərtelekom"un məlumatında deyilir.
Lettinq bu vəzifəni icra edən baş direktor Çağdaş Berksanı əvəz edib. C-Ring Telecom-a baş direktor təyin edilənədək Lettinq "iBasis" şirkətinin vitse-prezidenti vəzifəsində çalışıb.
"C-Ring Telecom" birgə müəssisəsinin yaradılmasına dair sənəd 2009-cu ildə Bakıda imzalanıb. Təsisedici sənədə əsasən, Azərtelekom və Sinterra birgə müəssisənin nizamnamə kapitalında hərəsi 50 faiz paya malikdir. C-Ring Telekom şirkəti öz layihələrində Azərbaycan və Rusiya ərazisində "Azərtelekom" və "Sinterra" infrastrukturlarının sinerji imkanlarından və resurslarından istifadə edəcək. Bunun sayəsində də Azərbaycan biznesi və əhalisi "Sinterra" tərəfindən təqdim edilən rabitə xidmətləri kompleksinə tam girişlə təmin olunacaq. Bu xidmətlərə beynəlxalq və şəhərlərarası rabitə, magistral kanalların kirayəsi, IP MPLS şəbəkə bazası üzrə xidmətlər, internetə giriş və b. daxildir.