Azərbaycan, Bakı, 6 dekabr / Trend, müxbir H.Vəliyev /
"Millikart" prosessinq mərkəzi POS-terminallarda yeni şifrələnmə protokolları tətbiq edib. Trend-in məlumatına görə, bu barədə Millikart-ın çərşənbə axşamı yaydığı məlumatda deyilir.
"GPRS və TCP/IP üzrə çalışan POS-terminalalr vasitəsilə göndərilən informasiya SSL (Secure Socket Layer) protokolu əsasında şifrələnir", - məlumatda deyilir.
Yeni şifrələnmə növü POS-terminallar vasitəsilə aparılan əməliyyatlar zamanı təhlükəsiz rabitə kanallarını təmin edir.
SSL şifrələnmə protokolu PCI DSS standartına əsaslanır və VISA və MasterCard öəniş sistemlərinin tələbləridir.
"Milli Kart" MMC 2006-cı il iyulun 14-də ölkənin 18 bankı tərəfindən Azərbaycan Mərkəzi Bankının kart ödənişləri üzrə prosessinq mərkəzinin alınmasından sonra yaradılıb. "MilliKart" MMC-nin nizamnamə kapitalı 5 milyon manat təşkil edir.
Mərkəzin təsisçiləri bunlardır: AtaBank, DəmirBank, AzərTürkBank, Bank of Baku, Azərbaycan Sənaye Bankı, DebutBank, AmrahBank, Xalq Bank, Credo Bank, AccessBank, ParaBank, RabitaBank, Bank Respublika, Bank Standard, Texnika Bank, Turan Bank, UniBank və Zamin Bank.