Azərbaycan, Bakı, 27 iyun /Trend, müxbir H.Vəliyev/
Qətərin İnformasiya Kommunikasiya Texnologiyaları Ali Şurasının peyk şirkəti (ictQatar) Azərbaycan Rabitə və İnformasiya Texnologiyaları Nazirliyinin "Azərkosmos" ASC ilə əməkdaşlığın perspektivlərini müzakirə edib. Bu barədə çərşənbə günü Trend-ə ASC-dən bildiriblər.
"Azərkosmos" ASC-nin rəhbərliyi Qətər peyk şirkətinin baş əməliyyat direktoru Abdullah əl-Kuvari ilə görüşdə Azərbaycanın kosmik proqramı, ilin sonunda "Azerspace-1" telekommunikasiya peykinin geostasionar orbitə buraxılması ilə bağlı planlar və ASC-nin 2013-cü ildə aşağıorbitli peykin buraxılması üzrə qarşıdakı planları haqqında ətraflı məlumat verib.
Tərəflər konkret istiqamətlər üzrə əməkdaşlığın perspektivlərini nəzərdən keçiriblər.
