Azərbaycan, Bakı, 24 noyabr /Trend, müxbir Hüseyn Vəliyev/
"Azərpoçt" MMC-nin platformasına internet bankçılıq xidmətinin inteqrasiyası bu ilin sonunadək gözlənilir. Bunu bazar ertəsi Trend-ə Rabitə və Yüksək Texnologiyalar Nazirliyindən deyiblər.
Servis "Colvir Software Solutions" şirkətinin "Colvir Postal System" avtomatlaşdırılmış korporativ informasiya sistemi ilə inteqrasiya ediləcək.
Xidmət ən qısa müddət ərzində poçt operatorunun plastik kart sahibləri üçün əlçatan olacaq.
İnternet bankçılıq servisi "Azərpoçt"un plastik kart sahiblərinə sutkanın istənilən vaxtı kart hesabını idarə etməyə, qalan pul vəsaiti haqqında məlumat almağa, aparılmış əməliyyatlar üzrə çıxarış əldə etməyə, mobil rabitə və digər xidmətlərin ödənişini aparmağa, bir kart hesabından digərinə pul vəsaiti köçürməyə, kartı bloklamağa və s. imkanlar yaradacaq.
