Azərbaycan, Bakı, 6 avqust /Trend, müxbir E.İsmayılov/
Abşeron rayon İcra Hakimiyyəti Fatmayi-Goradil avtomobil yolunun tikintisi üzrə tender elan edib. Trend-in məlumatına görə, bu barədə bazar ertəsi rəsmi mətbuatda dərc olunan məlumatında deyilir.
Tender Saray-Novxanı-Mehdiabad-Fatmayi-Goradil avtomobil yolunun tikintisi çərçivəsində bir lot üzrə elan edilib.
İddiaçılar tenderdə iştirak haqqında ərizəni və digər sənədləri 3 sentyabr, saat 17:00-dək təqdim etməlidirlər.
Tender təklifləri və bank zəmanəti 11 sentyabr, saat 17:00-dək aşağıdakı ünvan üzrə təqdim olunmalıdır: Xırdalan şəhəri, M.Ə.Rəsulzadə küçəsi, 7.
Tender təkliflərinin açılması 12 sentyabr, saat 11:00-da İcra Hakimiyyətinin binasında baş tutacaq.