Bakı. Trend:
İraq parlamenti ABŞ-ın İraq ərazisinə endirdiyi zərbələri və onların nəticələrini müzakirə etmək üçün təcili iclas keçirəcək.
Trend-in məlumatına görə, bu barədə "EFE" agentliyi xəbər verib.
Məlumata əsasən, yaxın günlərdə keçiriləcək iclas “ABŞ-ın ölkədə təkrar hücumları ilə bağlı mövqe hazırlamağa” imkan verəcək.
Deputatlar, həmçinin “beynəlxalq koalisiya qüvvələri tərəfindən İraqın suverenliyinin pozulmasına son qoyulmasının zəruriliyinə” toxunacaqlar.