Bakı. Trend:
Təl-Əviv Fələstinin radikal HƏMAS hərəkatı ilə girov mübadiləsində ABŞ-nin təklif etdiyi şərtlərlə razıdır.
Trend xəbər verir ki, bu barədə CNN diplomatik mənbəyə istinadən məlumat yayıb.
Bildirilir ki, İsrail Mərkəzi Kəşfiyyat İdarəsinin direktoru Bill Börnsün irəli sürdüyü təkliflə razılaşıb və bununla bağlı Fələstin hərəkatının cavabını gözləyir.
ABŞ-nin təklifinə əsasən, İsrail 40 girovun qaytarılması müqabilində 700-ə yaxın fələstinli məhbusu azad etməlidir.
Qeyd edək ki, İsrailin “Mossad” kəşfiyyat xidmətinin direktoru David Barnea martın 22-də Dohaya səfər edib. O, Dohada ABŞ Mərkəzi Kəşfiyyat İdarəsinin rəhbəri Uilyam Börns, Qətərin Baş naziri Şeyx Məhəmməd bin Əbdülrəhman Al Tani və Misir kəşfiyyatının rəhbəri Abbas Kamel ilə Qəzza zolağında saxlanılan girovların qaytarılması üçün radikal HƏMAS hərəkatı ilə razılaşmanı müzakirə edib.