Bakı.Trend
Ağ Evdə keçmiş ABŞ prezidenti Barak Obamanın portretini hazırkı prezident Donald Trampa sui-qəsd cəhdinin təsvir olunduğu qrafika ilə əvəzləyiblər.
Trend xəbər verir ki, bunu ABŞ administrasiya başçısının müavini Den Skavino “X” sosial şəbəkəsində bildirib.
Qrafikada ABŞ bayrağının fonunda 2024-cü ilin iyul ayında seçki kampaniyası zamanı tərəfdarları qarşısında çıxış edən Donald Trampın hücumdan sonra al qana bulaşmış üzü təsvir olunub.
Keçmiş prezident Obamanın portretinin isə hazırda birinci mərtəbədə qəbul otağında olduğu deyilir. Bundan əvvəl ABŞ-nin ilk afroamerikalı dövlət başçısının portreti Ağ Evin əsas pilləkənlərinin yaxınlığında divardan asılmışdı.
