Bakı. Trend:
Meksikanın Puebla ştatında azı 21 nəfərin ölümü ilə nəticələnmiş ağır yol qəzası baş verib.
Trend bu barədə BBC-yə istinadən xəbər verir.
Məlumata görə, Kuaknopalan və Oaksaka şəhərlərini birləşdirən magistral yolda 3 avtomobil – avtosistern, avtobus və mikroavtobus toqquşub. Toqquşmadan sonra avtosister yoldan çıxaraq, uçuruma yuvarlanıb və yanmağa başlayıb.
Yol-nəqliyyat hadisəsi nəticəsində 18 nəfər hadisə yerində keçinib, digər 3 nəfər isə xəstəxanada həyatlarını itirib.