Gürcüstan, Tiflis /müxbir. Trend N.Kirtsxalia/ ABŞ-ın energetika nazirinin müavini Cefri Sell Tiflisə işgüzar səfərə gəlib. ABŞ-ın Tiflisdəki səfirliyinin Trend in xüsusi müxbirinə verdiyi məlumatına görə, Amerika hökuməti üzvü martın 16-da parlamentin sədri Nina Burcannadze və XİN başçısı Qela Bejuaşvili ilə rəsmi görüşlər keçirəcək. Qeyri-rəsmi məlumatlara görə, danışıqlarda söhbət Gürcüstana enerjidaşıyıcılarının divesifikasiyası, tədarükü və Avropanın enerji təklükəsizliyindən gedəcək. Amerikalı nazir müavininin turnesində Gürcüstan sonuncu ölkədir. O, Rusiya və Ukraynaya da baş çəkib.