"Azərbaycan Naminə Hərəkatın (ANH) rəhbəri ədliyyə generalı İlqar Qasımov Rusiya Daxili İşlər Nazirliyi ilə danışıqlar aparır". Bu barədə Trend ə ANH mətbuat xidmətindən bildiriblər.
Qeyd edilib ki, danışıqların aparılmasında məqsəd sentyabrın 21-də Moskva şəhər daxili işlər idarəsinin əməkdaşlarının azərbaycanlıların alver etdiyi "Dmitrov" bazarında törətdiyi hadisələr zamanı həbs edilən soydaşlarımıza verilən işgəncələrin dayandırılması və onların azadlığa buraxılması olub.
O da bildirilib ki, danışıqlar bir nəticə verməzsə və hadisəni törədən polis əməkdaşları məsuliyyətə cəlb olunub barələrində cinayət işi açılmasa, ANH Moskvada etiraz aksiyaları keçirməyi planlaşdıracaq.