Bakı. Trend:
Bu gün Premyer Liqanın 10-cu turuna start verilib.
Trend-in məlumatına görə, ilk oyun Qəbələdə keçirilib. Yerli komanda "Neftçi"ni qəbul edib.
Oyuna meydan sahibləri fəal başlayıblar - 12-ci dəqiqədə Sergey Zenyov hesabı açıb.
İkinci hissənin əvvəlində Araz Abdullayev tarazlıq yaradıb. Lakin 59-cu dəqiqədə Sergey Zenyov, 62-ci dəqiqədə Asif Məmmədov və 77-ci dəqiqədə Rəşad Eyubov "Neftçi"ni peşman edib - 4:1.
Beləliklə, "Qəbələ" 10 oyundan 24 xalla liderdir. 6 xallı "Neftçi" autsayderlərdən biridir.