Azərbaycan, Bakı, 20 noyabr / Trend /
Bu gün Bakının "Azadlıq" prospektində ağır yol qəzası nəticəsində üç nəfər ölüb, bir avtomobil yanıb.
Trend-in hadisə yerində olan əməkdaşının məlumatına görə, içərisində üç nəfər olan "VAZ-2106" markalı avtomobil hərəkət edən zaman təkəri partlayıb və o Range Rover markalı avtomobillə toqquşub.
Bu, Range Rover-in alışmasına səbəb olub.
Toqquşma nəticəsində Range Rover markalı avtomobil BMW markalı avtomobillə toqquşub.
İlkin məlumatlara görə, yol-nəqliyyat hadisəsi nəticəsində VAZ-2106 salonda olmuş üç nəfər ölüb.
Bakı şəhər Baş Polis İdarəsinin bazar ertəsi yaydığı məlumata görə, yol qəzası nəticəsində "VAZ-2106" markalı avtomobilin sürücüsü F.Səlimxanov və sərnişini, həyat yoldaşı Fatma Əliyeva ölüb, oğlu Kamil Kliniki Tibbi Mərkəzə yerləşdirilib.
