Təfərrüatlar əlavə olunub (ilk xəbər saat 17:39-da yayılıb)
Azərbaycan, Bakı, 11 fevral /Trend, müxbir A.Tağıyeva/
Türkiyə-Suriya sərhədində, Hatay vilayətindəki Cilvegözü nəzarət-keçid məntəqəsində güclü partlayış baş verib. Bu barədə Trend bazar ertəsi "CNN Türk" telekanalına istinadən məlumat verir.
Telekanalın məlumatına görə, partlayış nəzarət-keçid məntəqəsinin yaxınlığındakı Suriya nömrəli maşında baş verib.
Türkiyə Gömrük Nazirliyinin məlumatına görə, ölənlərin sayı 12-yə çatıb, 28 nəfər xəsarət alıb.
Ölənlərdən 3-nün türk, 9-nin isə suriyalı olduğu bildirilir. Yaralılardan 5-i türk olmaqla 13-nün vəziyyəti ağır qiymətləndirilir.