Təfərrüatlar əlavə olunub (ilk xəbər saat 18:17-də yayılıb)
Azərbaycan, Bakı, 18 aprel /Trend/
Bakıda iki sərnişin avtobusu toqquşub, nəticədə 11 nəfər yaralanıb. Bu barədə Trend-ə Bakı Şəhər Təcilli və Təxirəsalınmaz Tibbi Yardım Stansiyasından məlumat verilib.
Məlumata görə, xəsarət alanların bəzilərinin vəziyyəti ağır, bəzilərinin isə orta-ağır qiymətləndirilir.
Trend-in hadisə yerində olan əməkdaşına şahidlərin verdiyi məlumata görə, avtobus sürücülərindən biri ölüb.
Qeyd edək ki, hadisə bu gün saat 17:10 radələrində Bakı Dairəvi Yolunda qeydə alınıb.
Xatırladaq ki, bu, son bir gündə avtobusun iştirakı ilə artıq üçüncü yol qəzasıdır.