Azərbaycan, Bakı, 17 noyabr /Trend, müxbir İlkin İzzət/
Beyləqanda qadın fermada ov tüfəngindən atəş açaraq özünü öldürüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, noyabrın 16-da Beyləqan rayon sakini Tünzalə Bayramova işlədiyi Orta Əlinəzərli kəndindəki fermada ov tüfəngindən atəş açaraq özünü öldürüb.
Hadisə yerindən müvafiq sənədləri olmayan "TOZ-16" markalı ov tüfəngi götürülüb.
Faktla əlaqədar araşdırma aparılır.