Azərbaycan, Bakı, 30 mart /Trend, müxbir İlhamə İsabalayeva/
Bu gün Azərbaycanın Şamaxı rayonunda zəlzələ baş verib.
Trend AMEA Respublika Seysmoloji Xidmət Mərkəzinin saytına istinadən bildirir ki, ilkin məlumatlara əsasən, yerli vaxtla saat 15:23-də Pirquludan 13 km şimalda, Şamaxı ərazisində zəlzələ qeydə alınıb.
Dərinliyi 6 km, maqnitudası 4,1 olan zəlzələ episentrdə 4 bal, yaxın yaşayış məntəqələrində isə 3 bala qədər hiss olunub.