Bakı. Trend:
Dekabrın 9-da saat 12 radələrində Xəzər rayonunun Şağan qəsəbəsi ərazisində yol-nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, qəzada Bakı şəhər sakini E.Həmzəyev idarə etdiyi “QAZ-3110” markalı avtomobillə yolu keçən paytaxt sakini Əşrəf Tağıyevi vurub.
Nəticədə piyada xəstəxanaya aparılarkən yolda ölüb.
Xəzər RPİ tərəfindən araşdırma aparılır.