Azərbaycan, Bakı, 30 iyun /Trend, müxbir M.Əliyev/
Kolumbiya Senatının Birinci Konstitusiya Komitəsinin sədri Alexandro Merono Pirakivenin başçılıq etdiyi nümayəndə heyəti gələn həftə Azərbaycana səfər edəcək. Bu barədə şənbə günü Trend-ə Milli Məclisdən məlumat verilib.
Səfər zamanı senatorlar Azərbaycan Parlamentində görüşlər keçirəcək, iki ölkənin əməkdaşlığının inkişaf perspektivlərini müzakirə edəcəklər.
Alexandro Moreno Pirakive Kolumbiya Senatında 2012-ci ilin mart ayında qəbul edilmiş Azərbaycan Respublikası ərazisinin işğal edilməsi və Xocalı soyqırımı barədə qətnamələrin müəllifidir.