Azərbaycan, Bakı, 11 dekabr /Trend/
RF müdafiə naziri, ordu generalı Sergey Şoyqu çərşənbə axşamı MDB Müdafiə Nazirləri Şurasının sədri seçilib. Trend-in RİA Novosti-yə istiadən verdiyi məlumata görə, bu qərar Şuranın Moskvada keçirilən 63-cü iclasında qəbul edilib.
Şoyqunun namizədliyini Azərbaycanın müdafiə naziri, general-polkovnik Səfər Əbiyev irəli sürüb. Təklif iclasın iştirakçıları olan digər nazirlər tərəfindən dəstəklənib.
İclasda Şoyqunun MDB Müdafiə Nazirləri Şurasının sədri təyin edilməsini təşkilatın katibi, general-leytenant Aleksandr Sinayski elan edib.
MDB Müdafiə Nazirləri Şurasının sədri üçillik müddətə seçilir. Lakin bir qayda olaraq, bu postu müdafiə naziri olan şəxs tutur.