Azərbaycan, Bakı, 19 fevral /Trend/
İranın Azərbaycandakı səfirliyinin yeni mədəniyyət müşaviri İbrahim İbrahimi öz fəaliyyətinə başlayıb. Trend-in məlumatına görə, bu barədə jurnalistlərə açıqlamasında İranın Azərbaycandakı səfiri Möhsün Pakayin deyib.
Onun sözlərinə görə, müşavir bu vəzifədə üç il çalışacaq.
Səfir bildirib ki, İ.İbrahimi mədəniyyət sahəsində təcrübəli insandır: "İbrahimi özü Təbrizdəndir və vaxtilə İran parlamentində əlaqələndirici vəzifəsində çalışıb. Düşünürəm ki, onun burada fəaliyyəti uğurlu olacaq".
Mayda İranda keçiriləcək Azərbaycan Mədəniyyəti Günləri barədə danışan diplomat bu təşəbbüsü alqışladığını deyib: "Ümid edirik ki, Azərbaycanın mədəniyyət və incəsənət xadimləri, həmçinin kino, teatr, rəssamlıq sahələrində çalışan insanlar Mədəniyyət Günlərində iştirak edəcək və mədəni əlaqələrimizin daha da inkişaf etdirilməsinə töhfələr verəcəklər".