Bakı. Trend:
Azərbaycan Xarici İşlər Nazirliyi (XİN) Əfqanıstanda zəlzələ zamanı ölənlərin ailələrinə başsağlığı verib.
Trend xəbər verir ki, başsağlığında deyilir: "Əfqanıstanın Herat şəhərində yüzlərlə insanın həyatına son qoyan dağıdıcı zəlzələ xəbəri dərindən kədərləndirdi. Bu faciədə həlak olanların ailələrinə başsağlığı veririk. Fikirlərimiz və dualarımız Əfqanıstan xalqının yanındadır".
Qeyd edək ki, Əfqanıstanda 6,3 bal gücündə zəlzələ baş verib. Zəlzələnin episentri Herat şəhərindən 42 km şimal-qərbdə yerləşib. Ocağı 10 km dərinlikdə olub. Zəlzələdə həlak olanların sayı 2,4 min nəfəri ötüb.