Azərbaycanın ekspertləri belə bir fikirdədirlər ki, respublikanın ərazisində Amerikanın radiolokasiya stansiyaları tikməsi la Bakı arasında qarşılıqlı münasibətlərə hər hansı bir mənfi təsir göstərməyəcək.
Azərobaycan prezidentinin keçmiş müşaviri, politoloq Vəfa Quluzadə İranın bir sıra KİV-nin bu məsələ ilə bağlı mənfi çağırışlarını Trend ə şərh edərkən qeyd edib ki, bu məsələ ilə bağlı Tehranın mövqeyi tamamilə təbiidir. "Tehran anlamalıdır ki, Azərbaycan öz milli maraqlarını güdür, ABŞ isə son nəticədə regionda öz planlarını reallaşdırır", -deyə politoloq qeyd edib.
Öz növbəsində, "İran Azərbaycanla ABŞ arasında əməkdaşlığın genişlənməsinə tam normal yanaşmalıdır",-deyə hərbi ekspert Üzeyir Cəfərov qeyd edib. O bildirib ki, RLS-lərin tikintisinə icazə verilməsi Azərbaycanın daxili işidir. "Əgər İran Ermənistanla öz əlaqələrini möhkəmləndirirsə, və rəsmi Bakı bu məsələdə öz milli maraqları üçün hər hansı bir ciddi təhlükə görmürsə, o zaman Tehran da Azərbaycanın ABŞ-la əlaqələrinin inkişafı faktını qəbul etməlidir", -deyə Ü. Cəfərov bildirib.
Bu arada deputat Anar Məmmədxanov qeyd edib ki, İran-Azərbaycan qarşılıqlı münasibətləri heç bir ciddi dəyişikliyə məruz qalmayacaq. "Tehran başa düşməlidir ki, Bakı bu addımı "gözəl həyatdan ötrü atmır", - deyə deputat bildirib. Onun s.özlərinə görə, bu addımlar Azərbaycanın öz milli maraqlarını təmin etmək məqsədindən irəli gəlir.
