Azərbaycan, Bakı/ Trend müxbir E.Hüseynov/ Nüvə proqramı ilə bağlı ABŞ və İran arasında olan fikir ayrılığı Vaşinqton-Bakı əlaqələrinə təsir etmir. "Mən bu məsələ və ABŞ-Azərbaycan münasibətlərində əlaqə görmürəm. ABŞ və Azərbaycan əlaqələrində "İran amili"ni o qədər də hissolunan hesab etmirəm", - deyə cümə axşamı Trend ə müsahibəsində Azərbaycanın xarici işlər nazirinin müavini, Diplomatiya Akademiyasının rektoru Hafiz Paşayev bildirib.
Bir çox ekspertlər hesab edirlər ki, İranla bilavasitə həmsərhəd olan Azərbaycan, ABŞ-ın İrana hücüm etməsi ilə bağlı niyyəti olarsa, əməliyyatların aparılması üçün istifadə oluna bilər. Azərbaycan rəhbərliyi daha öncə bəyan edib ki, ölkə ərazisindən bu məqsədlə istifadə olunmasına imkan vermək niyyətində deyil.