Azərbaycan, Bakı, 09 fevral /müx. TrendLife İradə Əsədova/
30 il bundan əvvəl "İrs" folklor ansamblı yaradılıb. Bu barədə müxbirimizlə söhbətində Xalq artisti, tarzən, professor Ramiz Quliyev bildirib. Onun sözlərinə görə, Azərbaycan Milli Elmlər Akademiyasının Folklor İnstitutunun nəzdində fəaliyyət göstərən "İrs" folklor ansamblı unudulmaqda olan rəqslərin, mahnıların, musiqi alətlərinin üzə çıxardılıb, yaşadılmasında böyük xidmətlər göstərib. Əgər ansamblın yaradıcısı bəstəkar Rəşid Nəsiboğlu olubsa, indi ona Sidqi Mustafayev uğurla rəhbərlik edir.