Azərbaycan, Bakı, 30 oktyabr /Trend, müxbir E.İsmayılov/
Bakı-Şamaxı-Yevlax avtomobil yolunun 15-45 kilometr hissəsinin əlavə 2 hərəkət zolağı tikilməklə, 1-ci texniki dərəcəli, dörd zolağa çatdırılması hazırda davam etdirilir.
"Azəryolservis" ASC-nin mətbuat xidmətindən Trend-ə verilən məlumata görə, yol boyu 4 avtobus dayanacağı, 1 yerüstü, 1 yeraltı piyada keçidi, 34 dairəvi, 8 düzbucaqlı borunun tikiintisi nəzərdə tutulub.
Yolun 10 km hissəsinə 2 qat asfalt-beton örtük döşənib. Hazırda 26 km hissədə torpaq işləri, boruların və heyvan keçidlərinin tikintisi həyata keçirilir.
Tikinti işlərinin 2014-cü ildə başa çatdırılması planlaşdırılır.
