Bakı. Trend:
Səhər saatlarında paytaxtın bəzi hissələrində duman hiss olunur.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, Bakıda və Abşeron yarımadasında bu gün hava şəraitinin dəyişkən buludlu olacağı, əsasən yağmursuz keçəcəyi gözlənilir.
Yarımadada gündüz 14-18, Bakıda isə 13-15 dərəcə isti proqnozlaşdırılıb.
Azərbaycanın rayonlarında da gecə və səhər ayrı-ayrı yerlərdə duman olacaq. Hava şəraitinin əsasən yağmursuz keçəcəyi gözlənilir. Qərb küləyi bəzi yerlərdə arabir güclənəcək.
Havanın temperaturu gecə 5-10, gündüz 13-18 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 9-14 dərəcə isti təşkil edəcək.