Bakı. Trend:
Ötən 31 il ərzində qardaşımdan bir xəbər ala bilməmişdik, axır ki,
nəşi belə olsa, qardaşımıza qovuşa bildik.
Trend xəbər verir ki, bunu jurnalistlərə açıqlamasında Birinci Qarabağ müharibəsi zamanı Daşaltıda itkin düşmüş, 31 il sonra meyit qalıqları tapılmış Nurəli Hacıbaba oğlu Abdullayevin qardaşı Hacıəli Abdullayev deyib
Onun sözlərinə görə qardaşı döyüşlərə könüllü olaraq yollanıb:
"Atamın oğul dərdi ilə gözləri tutuldu. Anam oğul həsrəti çəkə-çəkə dünyasını dəyişdi. Gözümüz 31 il ərzində yollarda qalmışdı. İndi heç deyilsə, ziyarət edəcəyimiz bir qardaşımız var".