Bakı. Trend:
Qaradağ rayonu, Ələt qəsəbəsində yeni çəkilmiş ortatəzyiqli qaz xəttinin mövcud mənbəyə birləşdirilməsi ilə əlaqədar olaraq, dekabrın 29-da saat 10:00-dan etibarən qaz təchizatının dayandırılması planlaşdırılır.
Trend-in məlumatına görə, "Azəriqaz" İstehsalat Birliyi bununla bağlı açıqlama verib.
Qeyd olunub ki, alternativ mənbədən istehlakçıların qaz təchizatı təmin ediləcək. Lakin alternativ mənbənin təmin edilməməsi halında, Qaradağ rayonu, Qobustan və Ələt qəsəbələri, Kötəl və Şıxlar yaşayış massivlərinin qaz təchizatında müvəqqəti fasilə yaranacaq.