Laçın. Trend:
Həyatın yenidən canlandığı Laçın şəhərində artıq bayramlar və əlamətdar günlər əsl sahiblərinin iştirakı ilə qeyd edilir. Bu il də Laçında Dünya Azərbaycanlılarının Həmrəyliyi Günü və Yeni il bayramları ilə əlaqədar silsilə tədbirlər keçirilir.
Trend-in bölgə müxbiri xəbər verir ki, tədbirlər proqramına əsasən, öncə Laçının balaca sakinləri üçün Seyrangahda bayram şənliyi təşkil edilib.
Şaxta baba və qar qız uşaqların sevincinə sevinc qatıb. Həmçinin, balacalar üçün kreativ oyunlar, master-klass və "face-art" təşkil edilib. Bayram şənliyinə gələn maskotlar uşaqları sevindirib.
Qeyd edək ki, tədbir günün ikinci yarısında Laçın şəhərində "Can Laçın qış möcüzəsi" yarmarkası və "Ay Laçın" adlı yeni il konserti ilə davam edəcək.
Yarmarkada Laçında istehsal olunan məhsullar, milli mətbəximizi əks etdirən nümunələr yer alacaq. Konsert proqramında isə məhşur müğənnilərin ifası nəzərdə tutulub.
