Bakı. Trend:
"Sevilya" "Qarabağ"ın hücumçusu Juninyonu transfer etmək üçün səylərini davam etdirir.
Trend-in məlumatına görə, La Liqa təmsilçisi bu dəfə "Qarabağ"a müxtəlif bonuslar daxil olmaqla 5 milyon avroya yaxın üçüncü təklifini göndərməyə hazırlaşır.
"Vamos Mi Sevilla" portalının yazdığına əsasən, ispan klubu braziliyalı hücumçunun transferini yanvarın 12-də keçiriləcək "Valensiya" ilə matçdan əvvəl başa çatdırmağa çalışır.
Hazırda Juninyonun transferi "Sevilya" üçün prioritet məsələ olaraq qalır. Məlumata görə, futbolçu özü də hər gün klub rəhbərliyini bu transferə razı salmağa çalışır, çünki onun əsas arzusu "Sevilya"da oynamaqdır.