Bakı. Trend:
Braziliyada çay üzərindəki körpünün uçması nəticəsində ölənlərin sayı artıb.
Trend xəbər verir ki, bu barədə "Agencia Brasil" məlumat yayıb. Məlumata görə, Maranhao və Tokantins əyalətlərini birləşdirən Juselino Kubitçek de Oliveyra körpüsünün uçması nəticəsində 12 nəfərin həyatını itirdiyi təsdiqlənib.
Hadisə dekabrın 22-də baş verib. Körpü uçduqdan sonra itkin düşən beş nəfərin axtarışı davam edir. Rəsmilərin məlumatına əsasən, uçqun zamanı çaya 4 yük maşını, 2 minik avtomobili və 2 motosiklet düşüb.
Səlahiyyətlilər faciənin səbəblərini araşdırmaq üçün istintaqın davam etdiyini bildiriblər.