Bakı. Trend:
Tunis sahillərində Afrikadan olan miqrantları daşıyan iki qayığın batması nəticəsində azı 27 nəfər həlak olub.
Trend-in məlumatına görə, bu barədə " Mosaique FM" radio stansiyası xəbər verib.
Məlumata əsasən, 83 nəfər xilas edilib. Hadisə Tunisin şərqindəki Sfaks şəhəri yaxınlığında baş verib.
Bildirilib ki, ölənlər arasında qadınlar və uşaqlar da var. Ümumilikdə qayıqlarda təxminən 110 nəfər olub.